Қозоғистон ва Ўзбекистон қўшма ҳарбий машғулотларни йўлга қўяди
Машғулотлар ҳарбий тайёргарликни кучайтириш, хавфсизлик ва барқарорликни мустаҳкамлашга қаратилган.
Қозоғистон ва Ўзбекистон ўртасида ҳарбий ҳамкорликни кенгайтириш бўйича муҳим келишувга эришилди. Қозоғистон Бош вазири Олжас Бектенов томонидан имзоланган фармонга мувофиқ, икки давлат қўшинлари мунтазам қўшма машғулотлар ўтказади.
Ҳарбий машқлар қуруқликдаги қўшинлар, авиация кучлари ва махсус техникаларни жалб этган ҳолда икки мамлакат ҳудудида босқичма-босқич амалга оширилади. Машғулотлар давомида мезбон давлат қонунчилигига қатъий амал қилиниши белгиланган.
Тадбирларнинг асосий мақсади – қўшинлар ўртасида ҳамкорликни кучайтириш, ҳарбий тайёргарликни ошириш ҳамда минтақада барқарорлик ва хавфсизликни мустаҳкамлашдан иборат.
Мазкур ташаббусни амалга ошириш ва машғулотларни ташкил этиш учун Ўзбекистон ва Қозоғистон мудофаа вазирликлари масъул этиб белгиланди.
