Саида Мирзиёева Олий судда судьялар билан бўлган учрашувда қатнашди
Учрашувда барча даражадаги раҳбарлар ва судьялар иштирок этди.
Бугун Олий суд биносида мамлакатимиз судьялар ҳамжамияти билан учрашув бўлиб ўтди. Унда барча даражадаги раҳбарлар ва судьялар иштирок этди.
Таъкидланишича, Президент Администрацияси олдига қўйилган бешта устувор вазифада суд ислоҳоти алоҳида ўрин тутади. Сўнгги саккиз йил давомида одил судлов соҳасида хорижий тажрибани ўз ичига олган кенг кўламли ўзгаришлар амалга оширилди.
Учрашувда суд тизимини сунъий интеллект асосида рақамлаштириш, низосиз масалаларни нотариусларга ўтказиш ҳамда судьяларни тайёрлаш тизимини такомиллаштириш бўйича қабул қилинган фармонлар муҳокама қилинди. Шу билан бирга, эскирган таълим тизими ўрнига Одил судлов академияси ташкил этилгани қайд этилди.
Ўзбекистон Президенти Администрацияси раҳбари Саида Мирзиёева очиқ мулоқот учун барчага миннатдорлик билдириб, Алишер Атаханович Усмоновни Олий суд раисининг биринчи ўринбосари лавозимига тайинлангани билан табриклади.
