8 ойда 47,2 трлн сўм тушум давлат буджетига ўтказилди – Божхона қўмитаси
Яширин иқтисодиётга қарши курашда қарийб 790 млрд сўмлик ноқонуний товарлар ушлаб қолинди.
Давлат божхона қўмитасида 2025 йилнинг январь–август ойларида амалга оширилган чора-тадбирлар юзасидан брифинг бўлиб ўтди. Унда Жамоатчилик ва ОАВ билан алоқалар бўлими бошлиғи Ҳ.Тангриев маълумот берди.
Ҳисобот даврида чегара-божхона постлари орқали 1,1 mln.dan ортиқ юк автотранспорт воситаси ва ярим миллиондан кўпроқ юк вагонлари ҳаракатланган. Йўловчилар оқими эса 41 млн нафардан ошган. Шу билан бирга, 742 мингдан зиёд божхона юк декларациялари расмийлаштирилган.
Мамлакат буджетига 47,2 трлн сўм божхона тўловлари ўтказилиб, режа 101,2 фоизга бажарилди. Шунингдек, тадбиркорларга 36,2 трлн сўмлик божхона имтиёзлари қўлланилди, 350 дан ортиқ субъектга 3,7 трлн сўм тўловларни кечиктириб тўлаш ҳуқуқи берилди.
Яширин иқтисодиётга қарши кураш доирасида 27 мингдан ортиқ қонунбузарлик аниқланиб, 789 млрд сўмлик ноқонуний товарлар, жумладан, валюта қимматликлари, заргарлик буюмлари ва тамаки маҳсулотлари мусодара қилинди. Бундан ташқари, божхоначилар 1,3 тоннадан ортиқ гиёҳвандлик воситалари ва психотроп моддалар, шунингдек, ноқонуний қуроллар ва патронларни ҳам ушлаб қолишга муваффақ бўлди.
