Олмаотадаги портлашда уч ўзбекистонлик ҳалок бўлди
Улар қашқадарёлик йигитлар экани айтилмоқда.
Қозоғистоннинг Олмаота шаҳрида юз берган портлаш оқибатида 3 киши ҳалок бўлди, дея хабар бермоқда “Казинформ” нашри.
Қайд этилишича, ҳодиса Олмаота вилоятидаги металл йиғиш цехларидан бирида содир бўлган. Ҳодиса оқибатида ўша ерда ишлаётган уч нафар қашқадарёлик йигитлар ҳалок бўлган.
Воқеа жойига зудлик билан фавқулодда хизматлар – полиция, ўт ўчирувчилар ва тез ёрдам машинаси етиб борган.
Ҳозирда мазкур ҳолат юзасидан терговга қадар тергов ҳаракатлари олиб борилмоқда. Воқеа сабаблари ва оқибатлари аниқланмоқда.
Айни пайтда марҳумларни Ўзбекистонга олиб келиш чоралари кўрилмоқда.
