Тошкент вилояти аҳолиси учун қулай автобус хизмати йўлга қўйилади

Тошкент шаҳар транспорт бошқармаси жамоатчилик ўртасида пайдо бўлган саволларга изоҳ бериб, автобус қатновларини пойтахт агломерацияси ва вилоят ҳудудларигача узайтириш ишлари босқичма-босқич амалга оширилаётганини маълум қилди.

 

Давлат раҳбари топшириғига мувофиқ, Тошкент вилоятининг барча шаҳар ва туманларини пойтахт билан узлуксиз боғлашга қаратилган кенг қамровли лойиҳалар ишлаб чиқилмоқда. Мазкур лойиҳалар тасдиқлангач, белгиланган тартиб асосида очиқ электрон тендер эълон қилинади ва ғолиб билан махсус буртто-шартнома имзоланади.

 

Шунингдек, йўналишларнинг узайиши автобусларни кутиш вақтини ортириб юбормаслиги учун қўшимча транспорт воситалари ажратилиши режалаштирилмоқда. Бу чора транспорт тизими барқарорлиги ва хизмат сифатини таъминлашга хизмат қилади.

 

Айни пайтда йўл инфратузилмасини яхшилаш, хавфсизликни мустаҳкамлаш, техник ва ташкилий масалаларни ҳал қилиш ишлари давом этмоқда. Муҳандислик ва лойиҳа гуруҳлари агломерациянинг барча ҳудудларида логистика жараёнларини ўрганмоқда.

 

Пойтахт ва унинг атрофларида ягона транспорт тизими шакллантирилиши натижасида нафақат шаҳар марказида, балки вилоятнинг чекка ҳудудларида яшовчи аҳолига ҳам қулай, хавфсиз ва мунтазам жамоат транспорти хизмати йўлга қўйилади.