Дам олиш кунлари Ўзбекистонда қандай об-ҳаво кузатилади?
“Ўзгидромет” маълумотига кўра, дам олиш кунлари айрим ҳудудларда ёмғир ёғиши ва кучли шамол бўлиши кутилмоқда.
Ўзбекистон ҳудудида ҳафта давомида ҳаво аста-секин исийди, дея хабар бермоқда “Ўзгидромет”. 19–21 сентябрь кунлари мамлакатнинг катта қисмида ҳаво бироз булутли бўлиб, ёғингарчилик кутилмайди.
Бугун кундузги ҳарорат +25...+28 даража атрофида бўлади, жанубий ҳудудларда эса +30 даражагача кўтарилади. Шунингдек, шанба куни чўл ҳудудлари ва республиканинг жанубида, якшанба куни эса марказий ҳудудларда кундузги ҳарорат +32...+34 даражагача етиши кутилмоқда.
20–21 сентябрь кунлари Қорақалпоғистон ва Хоразм вилоятининг айрим жойларида қисқа муддатли ёмғир ёғиши ва момақалдироқ бўлиши мумкин. Бу ҳудудларда ҳаво ҳарорати +23...+28 даража атрофида сақланади.
Шунингдек, шимолий ва чўл ҳудудларида шамол тезлиги 13–18 м/с гача кучайиши, айрим жойларда чанг-тўзонлар кузатилиши мумкин. Тошкент шаҳрида ҳаво бироз булутли бўлиб, ёғингарчилик кутилмайди. Шамол шарқдан 3–8 м/с тезликда эсади. Пойтахтда бугун +26 даража, эртага +28...+30 даража, якшанба куни эса +32...+34 даража илиқ бўлиши прогноз қилинмоқда.
