Қибрайда МИБ орқали МЧЖдан 110 млн ундирилди
Ижро ҳаракатлари доирасида қарздорга бир неча бор расмий огоҳлантиришлар берилган. Бироқ, ушбу огоҳлантиришларга қарамасдан, қарздор тарафдан ҳеч қандай амалий чора кўрилмаган.
Тошкент вилоятида МИБ орқали МЖЧдан адвокатлик бюроси фойдасига 110 миллион сўм ундирилди. Бу ҳақида МИБ ахборот хизмати хабар бермоқда.
Қайд этилишича, Қибрай туман МИБ бўлими иш юритувига Қуйи Чирчиқ туманлараро иқтисодий суди томонидан берилган ижро варақаси асосида “К.” МЧЖ номли қарздор корхонадан адвокатлик бюроси фойдасига жами 110,6 миллион сўм қарздорлик ундиришга доир ижро ҳужжати келиб тушган.
Ижро ҳаракатлари доирасида қарздорга бир неча бор расмий огоҳлантиришлар берилган. Бироқ, ушбу огоҳлантиришларга қарамасдан, қарздор тарафдан ҳеч қандай амалий чора кўрилмаган.
Натижада қарздорга тегишли бўлган, бозор қиймати 184,5 миллион сўм деб баҳоланган “VOLVO BL71” русумли махсус техника воситаси хатланди ва белгиланган тартибда электрон аукционга чиқарилди.
Шундан сўнг қарздор томон қарз миқдорини тўлиқ ва нақд кўринишда Мажбурий ижро бюросининг ҳисоб рақамига ўтказди. Шундан сўнг, техника воситаси аукцион савдоларидан қайтарилиб, белгиланган тартибда эгасига қайтарилди.
Натижада суд ҳужжати тўлиқ ижро этилиб, адвокатлик бюросининг бузилган ҳуқуқлари тикланди.
