Хитой Ўзбекистонга яна 100 та электробус жўнатди
Улар Қозоғистон орқали Ўзбекистонга етказилади.
Хитойнинг Yutong компаниясининг 100 та электробусидан иборат биринчи партияси Қозоғистон орқали Хоргосдан Ўзбекистонга жўнатилди. Бу ҳақида Транспорт вазирлиги Матбуот хизмати хабар берди.
Маълумот учуе, Ўзбекистон - 2030 стратегиясини амалга ошириш бўйича Давлат дастури доирасида иқлим ўзгаришига мослашиш, углерод нейтраллигига эришиш ва Тошкент жамоат транспортини ривожлантириш йўналишида яшил лойиҳаларни амалга ошириш мақсадида 200 та электробус ва улар учун қувватлаш ускуналарини харид қилиш лойиҳаси амалга оширилмоқда.
Қайд этилишича, барча электробусларни жўнатиш жараёнини жорий йилнинг сентябрь ойи охиригача якунлаш режалаштирилган.
