Жиззахда ота 125 млн алимент тўлади
Шу тариқа унинг хорижга чиқишига қўйилган тақиқ бекор қилинган.
Жиззах вилоятининг Зарбдор туманида ота чет элга чиқиш учун 125 млн сўм алимент олдиндан тўлади. Бу ҳақида МИБ ахборот хизмати маълум қилди.
Қайд этилишича, Фуқаролик ишлари бўйича суднинг ижро варақасига асосан қарздор А.Х. дан ундирувчи С.Х. фойдасига вояга етмаган фарзандининг таъминоти учун алимент ундириш белгиланган.
Ижро ҳаракатлари давомида қарздорнинг Ўзбекистон Республикасидан четга чиқиш ҳуқуқи вақтинча чекланган.
Қарздор келгусида чет элга чиқиш истаги борлигини, бироқ бунга тақиқ қўйилганлиги юзасидан давлат ижрочисига мурожаат қилган.
Бюронинг Зарбдор тумани бўлими ходимларининг олиб борилган ҳуқуқий тушунтиришлари натижасида ота ўз фарзанди учун олдиндан 125 млн сўм алимент пулларини олдиндан тўлаб берди.
