Тошкентда 4 ёшли қизча ҳаракатланаётган машинадан тушиб кетди
Қизча деразани ёпмоқчи бўлиб, машина эшигини очиб юборган.
Ижтимоий тармоқларда тарқалган видео лавҳалар кўплаб фойдаланувчиларни ларзасига солди. Кадрларда кичкина қизча ҳаракатланаётган автомобил эшигини очиб юборгач, йўлнинг ўртасига тушиб кетгани акс этган. Яхшиямки, бу сафар фожиа рўй бермади — орқадан бошқа машиналар келмаган, бола эса ёқилишига қарамай, тезда ўрнидан туриб, йўл четига чиқиб олган.
Воқаа Тошкент шаҳар Сергели туманида 9-октябр куни эрталаб содир бўлган. Йўл ҳаракати хавфсизлиги бошқармасининг маълум қилишича, VAZ-2115 русумли автомобилни 61 ёшли эркак — қизчанинг бобоси — бошқарган. У тўрт ёшли набирасини боғчага олиб кетаётган бўлган. Маълум бўлишича, бола дерзани ёпмоқчи бўлганида адашиб, эшик тутқичини тортади ва шу сабабли автомобилдан тушиб кетади.
Атрофдаги фуқаролар зудлик билан ҳайдовчини огоҳлантириб, қизчани йўл четига олиб чиқиб, хавфсиз жойга жойлаштирган. Бола тиббий кўрикдан ўтказилган ва соғлом экани тасдиқланган.
Ҳуқуқ-тартибот органлари воқаа юзасидан текширув ишларини олиб бормоқда.
