Андижонда МИБ орқали қизалоқ онаси бағрига қайтарилди
Аёл эрининг уйидан чиқиб кетаётганда фарзандини олиб кетолмаган.
Ёши улуғлар айтганидек, қиз боланинг бахти, аввало, онасидан олган тарбияга боғлиқ. Чунки, қиз болани бахт йўлига етаклайдиган илк мураббий - онадир.
Жалақудуқ туманида яшовчи М.М. оилавий келишмовчилик сабабли турмуш ўртоғи Д.Х.нинг уйидан чиқиб кетишга мажбур бўлган. Бироқ, қизалоғини олиб кетолмагач, фуқаролик ишлари бўйича Хўжаобод туманлараро судига мурожаат қилди ва боланинг она парваришига муҳтожлигини инобатга олиб, даъвогарнинг талабини қаноатлантирди.
Бюронинг Жалақудуқ туман бўлими ходимлари томонидан 9 ёшли қизалоқни онаси тарбиясига олиб бериш ижро ҳужжати юзасидан ижро ҳаракатлари олиб борилди. Мутасадди идора вакиллари билан ҳамкорликда қизалоқ онаси М.М. тарбиясига топширилди.
