Бизнесни ривожлантиш банки 9 ойда маҳаллаларда кичик ва ўрта бизнес учун қарийб 3 ярим триллион сўм кредит ажратди
Бу кўрсаткич банкнинг режа бажарилишини 104 фоизга етказган.
Бизнесни ривожлантириш банки томонидан кичик бизнес ва ўрта тадбиркорликни қўллаб-қувватлаш, шунингдек, микролойиҳаларни амалга ошириш борасидаги натижалар юзасидан матбуот анжумани ташкил этилди.
Тадбир давомида таъкидланишича, ҳисобот даврида микролойиҳаларни амалга ошириш ҳисобига 39 минг 236 та янги иш ўрни яратиш режалаштирилган бўлиб, амалда 45 минг 497 нафар фуқаро бандлиги таъминланган.
Банкка бириктирилган маҳаллаларда кичик ва ўрта бизнес йўналишида жами 3 триллион 484 миллиард 200 миллион сўм миқдорида кредит маблағлари ажратилган. Бу кўрсаткич режа бажарилишини 104 фоизга етказган.
Шунингдек, “Кичик бизнесни узлуксиз қўллаб-қувватлаш” дастури (ПК–312) доирасида 541,9 миллиард сўмлик кредит маблағлари йўналтирилиб, режа 123 фоизга бажарилган. “Бизнесга биринчи қадам” дастури асосида 243,5 миллиард сўм кредит маблағлари ажратилган бўлиб, бу дастур ҳам режа кўрсаткичларидан 115 фоизга ортиқ бажарилган.
“Маҳалла тадбиркорлиги” дастури доирасида эса 101 фоизли бажарилиш натижаси қайд этилиб, жами 796,3 миллиард сўмлик кредит маблағлари аҳолига етказилган.
Тадбирда банк вакиллари томонидан кичик бизнесни ривожлантириш билан бир қаторда, аҳолининг молиявий саводхонлигини оширишга қаратилган ишлар ҳам муҳокама қилинди. Хусусан, ўқув машғулотлари ва семинарлар Фарғона, Андижон, Наманган, Самарқанд ҳамда Тошкент вилоятларида ташкил этилган. Шу билан бирга, маҳалла банкирлари ҳамда ёрдамчи агентлар учун СММ бўйича онлайн ва офлайн курслар ўтказилган.
Матбуот анжумани якунида журналистларнинг мавзуга оид барча саволларига атрофлича жавоблар берилди.
*Реклама ҳуқуқи асосида
