Ўзбекистонда ҳафта охирида ҳаво бироз совийди
Тоғли ҳудудларда қисқа ёмғир, баланд жойларда қор ёғиши мумкин.
“Ўзгидромет” хабарича, дам олиш кунлари ҳаво ҳарорати аста-секин пасайиши кутилмоқда.
Маълум қилинишича, 25–26 октябрь кунлари Тошкент вилоятининг тоғли ҳудудларида қисқа муддатли ёмғир ёғиши, айрим баланд тоғли жойларда ёғин қорга айланиши эҳтимоли бор.
Дам олиш кунлари кундузи ҳаво ҳарорати бироз пасайиб, 25 октябрда 23–28, 26 октябрда 21–26 даража, шимолда эса 19–24 даража атрофида бўлиши прогноз қилинмоқда.
Тошкентда шанба куни кундузи 25–27 даража, якшанба куни 24–26 даража илиқ ҳаво сақланади. Кечаси эса ҳарорат 13–15 даража бўлиши кутилмоқда.
