Президент бир гуруҳ ички ишлар ходимларини давлат мукофотлари билан тақдирлади
Давлат мукофотлари ички ишлар тизимида садоқат, жасорат ва ҳалоллик билан хизмат қилган ходимларга топширилди.
Ички ишлар органлари ходимлари куни муносабати билан Ўзбекистон Республикаси Президенти Шавкат Мирзиёев томонидан тегишли фармон имзоланди. Унга кўра, юртимизда жамоат хавфсизлиги ва осойишталикни таъминлаш, жиноятчиликка қарши курашиш, фуқароларнинг ҳуқуқ ва эркинликларини ҳимоя қилишда фидокорона хизмат қилган ички ишлар органлари ходимлари давлат мукофотлари билан тақдирланди.
Мазкур фармон билан хизмат бурчини адо этишда юксак масъулият, садоқат ва жасорат кўрсатган, фуқароларнинг тинчлиги ва осойишталигини сақлашда ўзини кўрсатган бир гуруҳ ходимлар қуйидаги мукофотларга сазовор бўлди:
II даражали “Шон шараф” ордени — Рамазон Ашропов, Ички ишлар вазири ўринбосари.
“Мардлик” ордени — Бахтиёр Торебеков, Қорақалпоғистон Республикаси ИИВ вазири, ҳамда Ильёс Хусанов, Қамаши тумани профилактика инспектори.
“Дўстлик” ордени — Мария Махмудова, Улуғбек Ташходжаев ва Рустам Хатамов.
“Жасорат” медали — Авлиё Аббасов, Сайёра Каримқулова, Абдунайим Хайитов ва Санжар Худойназаров.
“Содиқ хизматлари учун” медали — Рустам Аббасов, Истам Исаев, Хуршид Махмудов ва бошқа бир қатор ходимларга топширилди.
“Шуҳрат” медали — Тўлқинбой Жуманов, Уткир Қултураев, Дилшод Хасанов, Шерзод Худойбердиев ҳамда Дилшодбек Эрахматовга берилди.
Давлат мукофотлари ички ишлар органлари тизимида узоқ йиллар садоқат билан хизмат қилган, хизмат бурчини адо этишда жасорат намунасини кўрсатган ҳамда ёш ходимларни Ватанга муҳаббат ва фидойилик руҳида тарбиялашга ҳисса қўшган ходимларга берилди.
Тақдирлаш маросимида Президент фармони ўқиб эшиттирилди ва мукофотлар тантанали равишда топширилди.
