Камерунда 92 ёшли президент 8-марта лавозимига қайта сайланди
У 1982 йилдан бери ҳокимият тепасида турибди ва бу унинг навбатдаги муддати бўлади.
Камеруннинг Конституциявий Кенгаши 92 ёшли амалдагӣ президент Пол Бийя мамлакат раҳбари этиб қайта сайланганини расман эълон қилди. Расмий маълумотларга кўра, Бийя 53,66 фоиз овоз билан ғалаба қозонган. У 1982 йилдан бери ҳокимият тепасида турибди ва бу унинг навбатдаги муддати бўлади.
Сайлов натижаларини асосий мухолиф номзод Исса Чирома Бакаийри тан олмади. У ўз ҳисоб-китобларига кўра ғолиб эканини билдирди ва ҳукуматни овозларни сохталаштиришда айблади. Натижалар эълон қилингач, пойтахт Яунде ва бошқа шаҳарларда норозилик намойишлари бошланди. Маҳаллий ОАВ маълумотларига кўра, айрим тўқнашувларда бир нечта одам ҳалок бўлган, юзлаб фуқаролар эса қўлга олинган.
Халқаро кузатувчилар сайлов жараёнида айрим камчиликлар бўлганини қайд этган. Айрим ҳисоботларда бюллетенларни санаш жараёнида шаффофлик етишмагани ва давлат ресурсларидан президент фойдасига ишлатилгани айтилган.
Маълумот учун, Пол Бийя дунёдаги энг узоқ вақт ҳокимиятда қолган етакчилардан бири ҳисобланади. 43 йилдан ортиқ бошқарув давомида у мамлакатда нисбатан сиёсий барқарорликни сақлаб келаётган бўлса-да, ёш авлод ислоҳотлар ва сиёсий янгиланишни талаб қилмоқда.
