Андижонда “Тунги капалак” 10-синф ўқувчиси бўлиб чиқди
Қиз сўнгги йилларда дарс машғулотларида мунтазам қатнашмаган. Шу боис у 10-синфда қолдирилган ва бу ўқув йилида ҳам сабабсиз дарсларни қолдириш ҳолатлари кузатилган
Ижтимоий тармоқларда Андижон шаҳрида вояга етмаган қизнинг ножўя ҳолатда тасвирланган суратлари тарқалганидан сўнг, ҳолат юзасидан тегишли ташкилотлар томонидан ўрганиш ишлари олиб борилди.
Андижон шаҳар мактабгача ва мактаб таълими бўлими хабарига кўра, мазкур суратларда акс этган шахслардан бири 2008 йилда туғилган, шаҳар ҳудудидаги 10-умумтаълим мактабининг ўқувчиси экани аниқланган.
Маълум бўлишича, мазкур фотосуратлар 2024 йил ёз ойларида олинган бўлиб, ўқувчи сўнгги йилларда дарс машғулотларида мунтазам қатнашмаган. Шу боис у 10-синфда қолдирилган ва бу ўқув йилида ҳам сабабсиз дарсларни қолдириш ҳолатлари кузатилган.
Таълим муассасаси раҳбарияти ва тегишли идоралар томонидан профилактик суҳбатлар ўтказилган. Ҳозирда ҳолат ижтимоий хизматлар ва ҳуқуқни муҳофаза қилувчи органлар билан ҳамкорликда кўриб чиқилмоқда. Қиз “Вояга етмаганларга ижтимоий-ҳуқуқий ёрдам кўрсатиш маркази”га жойлаштирилди.
Масъуллар вояга етмаганлар билан ишлашда тарбиявий, психологик ва ижтимоий ёрдамни кучайтириш бўйича қўшимча чоралар кўрилаётганини маълум қилди.
