2026 йилдан банклар фаолиятига янги талаблар жорий этилади
Энди давлат нафақалари ҳисобидан қарз ундириш тақиқланади.
Марказий банк томонидан банк хизматлари истеъмолчилари ҳуқуқларини кучлироқ ҳимоя қилиш ва банклар фаолиятини янада шаффоф қилиш мақсадида қатор муҳим қоидалар жорий этилди. Янги нормалар 2026 йил 29 январдан кучга киради.
Асосий ўзгартиришлар қуйидагилардан иборат:
· янги стандартлаштирилган чек-лист жорий этилади, мижозлар кредит олишдан олдин барча риск ва мажбуриятлардан хабардор бўладилар
· кредит тўловларини кечиктирган фуқаролар учун шартномани ўзгартириш ва енгиллик бериш тартиби белгиланади
· банкларга фуқароларни ортиқча қарзга ундирмаслик, давлат нафақалари ҳисобидан қарз ундирмаслик тўғрисида қатъий талаблар қўйилди
· мижоз розилигисиз олдиндан белгиланган белгилар ёки кредит параметрларини киритиш ман этилди
· омонатларни кафолатлаш тизими тўғрисида аниқ ва стандарт маълумот бериш мажбурияти жорий этилди
Ушбу янгиликлар банк хизматлари бўйича истеъмолчилар ҳуқуқларини ҳимоя қилиш ва молиявий шаффофликни таъминлашга қаратилган.
