Жиззахда алиментдан қочган ота қайнонасиникидан топилди
У 2-хотинининг онасиникида уй ишлари билан шуғилланиб юрганда қўлга тушган.
Жиззах вилоятида фарзандларини моддий таъминлашдан қасддан бўйин товлаб, давлат ижрочисидан яшириниб юрган қарздор топилди. Бу ҳақида МИБ ахборот хизмати хабар бермоқда.
Маълум бўлишича, Мажбурий ижро бюросининг Зомин тумани бўлими томонидан қарздор Г.Р.га нисбатан алимент тўловларини амалга оширмагани сабабли қидирув эълон қилинган.
Бюронинг Жиззах вилояти бошқармаси Қидирув шуъбаси ходимлари томонидан ўтказилган тезкор тадбирлар давомида у 2-хотинининг онасиникида уй ишлари билан шуғилланиб юрганда топилган.
Алимент қарзи 62 миллион сўмдан ошган бўлиб, қарздор давлат ижрочисига топширилган.
Қизиғи шундаки, у қидирув пайтида оёқ кийимини алмаштириш баҳонасида яна қочишга уринган.
