Куз-қиш мавсумида электр ва газ нархи оширилмайди

Ўзбекистонда электр энергияси ва табиий газ нархларининг барқарорлиги таъминланади.

 

Энергетика вазири Жўрабек Мирзамахмудовнинг расмий баёнотига кўра, жорий куз-қиш мавсумида мамлакатимиз аҳолисини электр энергияси ва табиий газ билан таъминлашда барқарорликни сақлашга устувор аҳамият берилади.

 

Вазирнинг таъкидлашича, аҳолининг ижтимоий барқарорлигини таъминлаш мақсадида, жорий иситиш мавсуми давомида электр энергияси ва табиий газ тарифлари оширилмайди.

 

"Аҳолининг барқарор таъминотини сақлаш ва ижтимоий барқарорликни таъминлаш ҳукуматимизнинг асосий вазифаларидан биридир. Шу сабабли, биз ушбу мавсумда энергия ресурслари нархларини ўзгаришсиз қолдиришга қарор қилдик", — дея таъкидлади вазир.

 

Шу билан бирга, Энергетика вазирлиги таъминот узилишларига йўл қўймаслик, ишлаб чиқариш қувватларини самарали бошқариш ва истеъмолчиларни узлуксиз энергия билан таъминлаш бўйича комплеккс чора-тадбирларни амалга оширмоқда.

 

Нархлар масаласида кейинги ўзгаришлар келгуси йилнинг май ойида режалаштирилган. Жўрабек Мирзамахмудовning сўзларига кўра, индексация жараёни инфляция даражасида, аҳолининг манфаатларини инобатга олган ҳолда, босқичма-босқич амалга оширилади.