"Қаҳрамонларни майдондан эмас, майдон ортидан излаш керак" Рўзиқул Бердиевнинг "Нефтчи" ҳақида айтган гаплари юзасидан текширув бошланди
Мураббий баёноти спорт одоб-ахлоқи асосида текширилмокда.
Ўзбекистон Футбол Ассотсацияси (ЎФА) "Насаф" клуби бош мураббийи Рўзиқул Бердиевнинг 26 октабр куни "ОҚМК"га қарши ўйиндан сўнг берган матбуот анжуманидаги баёнотлари бўйича расмий текширув бошлаганлигини маълум қилди.
Матбуот анжуманида Бердиев "Нефтчи" клуби ҳақида берган изоҳлари футбол жамоатчилиги томонидан кенг муҳокамага сабаб бўлди. Мураббий ўз баёнотида: "Агар 'Нефтчи' вазифани бажарса, қаҳрамонларни майдонан эмас, майдон ортидан излаш керак бўлади" деб айтган.
ЎФА маъмурияти мураббийнинг бу баёнотлари футбол қоидаларига ва спорт одоб-ахлоқ нормаларига мос келишини аниқлаш мақсадида расмий текширув бошлаганлигини тасдиқлади. Текширув натижаларига кўра, керакли ҳуқуқий баҳо берилиши кутилмоқда.
Эслатиб ўтамиз, 26-турдаги "ОҚМК" – "Насаф" ўйни 1:1 ҳисобидаги дуранг билан якунланди. Ҳозирда Ўзбекистон Суперлигаси жадвалида "Нефтчи" ва "Насаф" жамоалари ҳар иккаласи 57 очиқ тўплаган бўлиб, қолган 4 тур чемпионлик курашининг қизғин давомини ваъда қилмокда.
