Ургутда маст эркак ўқитувчини калтаклади
Самарқанд вилояти мактабгача ва мактаб таълим бошқармаси ҳолатга расмий муносабат билдирди.
Ижтимоий тармоқларда Ургут туманида ўқитувчи дўппослангани ҳақида видео тасвирлар тарқалди. Самарқанд вилояти мактабгача ва мактаб таълим бошқармаси ҳолатга расмий муносабат билдирди.
Унга кўра, ҳолат ҳақида ички ишлар бўлимига хабар берилган ва ўқитувчи туман тиббиёт бирлашмасига олиб борилган.
“Айни пайтда ўқитувчининг умумий аҳволи яхши. Ушбу ҳолат Самарқанд вилояти Мактабгача ва мактаб таълими бошқармаси томонидан назоратга олинган”, — дейилади муносабатда.
Ҳозирда мазкур ҳолат юзасидан ҳуқуқни муҳофаза қилувчи органлар томонидан тегишли суриштирув ишлари олиб борилмоқда.
