Қирғизистондаги мактабда болалар оммавий заҳарланди
50 дан ортиқ бола қусиш ва диарея шикояти билан шифохонага мурожаат қилган.
Кеча, 31 октябрь куни Бишкекдаги хусусий мактабда 58 киши овқатдан заҳарланиб, тиббий ёрдамга мурожаат қилишган. Улардан 54 нафари мактаб ўқувчилари ва 4 нафари катталар.
Шифокорлага кўра, заҳарланиш мактаб ошхонасида тушлик пайти истеъмол қилинган шаурма оқибатида юз берган бўлиши мумкин. Ҳозирда ҳолат юзасидан суриштирув ишлари бошланган.
9 нафар бемор шифохонага ётқизилган, уларнинг аҳволи барқарор. 49 киши эса кўрикдан сўнг зарур тиббий ёрдам кўрсатилиб, уй шароитида даволаниш учун юборилган. Беморларнинг ошқозони ювилган, зарур таҳлиллар олинган. Ҳодиса юзасидан эпидемиологик тергов ишлари бошланган.
