2026 йилдан чиқинди хизматлари учун тўловлар фақат онлайн тарзда амалга оширилади
Тизим аҳолига қулайлик яратиш, биллингда шаффофлик ва коррупциянинг олдини олишга қаратилган.
Ўзбекистонда 2026 йил 1 январдан бошлаб жисмоний ва юридик шахслар учун маиший чиқиндиларни олиб чиқиб кетиш хизматлари бўйича тўловлар фақат онлайн кўринишда қабул қилинади. Бу ҳақда Чиқиндиларни бошқариш ва циркуляр иқтисодиётни ривожлантириш агентлиги матбуот хизмати маълум қилди.
Мазкур тартиб барча ҳудудлардаги санитария-толориш корхоналарига юборилган кўрсатмалар асосида жорий этилмоқда.
Агентликнинг таъкидлашича, ушбу тизим аҳолига қулай ва замонавий тўлов имкониятларини яратиш, биллинг ҳисоб-китобларида шаффофликни таъминлаш, коррупцион ҳолатларнинг олдини олиш мақсадида йўлга қўйилмоқда.
Эндиликда чиқинди хизматлари учун тўловлар ва абонент ҳисобини юритиш қуйидаги йўллар орқали амалга оширилади:
- Агентликнинг “Тоза макон” биллинг тизими;
- электрон тўлов тизимлари;
- интернет алоқаси мавжуд бўлмаган олис ҳудудлар учун — тижорат банклари кассалари ва “Ўзбекистон почтаси” бўлимлари (истисно тариқасида).
Эслатиб ўтамиз, маиший чиқинди хизматлари бўйича қарздорлик мавжуд бўлганда, қарз тўлиқ сўндирилмагунча электр энергияси учун тўловларни қабул қилиш вақтинча тўхтатилади.
