Ўзбекистонда 17 ҳолатда хавфсизлик камарини тақмасликка рухсат берилиши мумкин
Ҳужжат тасдиқланса, фуқароларга QR-кодли электрон тиббий маълумотнома берилади.
Ўзбекистон Республикаси Соғлиқни сақлаш вазирлиги соғлиғи сабабли автомобилда хавфсизлик камарини тақиш мумкин бўлмаган касалликлар ва ҳолатлар рўйхати лойиҳасини жамоатчилик муҳокамаси учун эълон қилди.
Лойиҳа тасдиқланса, жами 17 турдаги касаллик ва тиббий ҳолатларда хавфсизлик камаридан фойдаланмасликка рухсат берилади. Улар орасида қуйидагилар мавжуд:
- умров, тўш, қовурға ёки елка камарининг синиши;
- умуртқа поғонасининг компрессион синиши;
- сурункали обструктив ўпка касаллиги (ИВ босқич) ва бронхиал астма (ИВ босқич);
- ўпка тўқималарининг интерстициал зарарланиши ёки ўпканинг бир қисми/иккаласи олиб ташланган ҳолатлар;
- сурункали юрак етишмовчилиги (ИИИ босқич ва декомпенсация);
- ИИИ-даражали (морбид) семизлик (БМИ ≥ 40);
- бўйи 150 см дан паст бўлган шахслар;
- қўл ёки елка ҳаракатини чекловчи неврологик касалликлар;
- кўкрак қафаси соҳасидаги оғир тери касалликлари (псориаз, экзема ва б.);
- кўкрак ёки елка соҳасига қўйилган протез ёки имплантлар;
- кўкрак ва қорин бўшлиғида ўтказилган очиқ жарроҳлик амалиётлари;
- стома мавжудлиги (сунъий чиқиш йўли);
- кўкрак қафасидаги йирик ўсмалар;
- ҳомиладорлик.
Мазкур ҳужжат ҳали кучга кирмаган. Тиббий асос мавжудлиги тасдиқланган фуқароларга “Электрон соғлиқни сақлаш” ахборот тизими орқали шакллантириладиган QR-кодли электрон тиббий маълумотнома бириктирилган оилавий поликлиника томонидан берилади.
