Ўзбекистонда қарийб 150 минг киши ўзига-ўзи кредит олишни тақиқлаган
Таҳлил натижаларига кўра, гендер жиҳатдан эркаклар икки баробар кўпроқ устунлик қилади.
2025 йилнинг 1 октябрь ҳолатига кўра, 149 минг 465 нафар жисмоний шахс кредит беришда ўз-ўзига тақиқлаш бўйича “Кредитга тақиқ” хизматига уланган. Бу ҳақда Кредит-ахборот таҳлил маркази кредит бюроси маълум қилди.
Тақиқ қўйганлар орасида 101,4 мингдан ортиғи эркаклар, 47,9 минг киши аёлларни ташкил қилади.
Кредит олиш учун ўз-ўзини тасдиқлашдан 25-35 ёшдаги фуқаролар энг фаол фойдаланган. Бу ёшдаги фойдаланувчилар умумий фойдаланувчиларнинг учдан бир қисимини ташкил қилади. Кейинги ўринларда 36-45 ёшлилар (25 фоиз) ва 26 ёшгача бўлганлар (19,2фоиз) ташкил қилади.
Кредит олишни ўзига ўзи тақиқлаш хизмати июнь ойида ишга туширилганида, ундан 33,1 мингдан ортиқ киши фойдаланган. Июль ойида 37,6 минг, августда 37,8 минг, сентябрь ойида эса 108 минг 658 нафар киши КАТМдан фойдаланган. Октябрь ойи учун таҳлил ҳали эълон қилинмади.
Маълумот учун, мазкур амалиёт жорий йилнинг 6 июнь куни ишга туширилган эди. Ундан Кредит-ахборот таҳлилий маркази кредит бюроси сайтидан бепул фойдаланиш мумкин
