Самарқанд аҳоли сони бўйича Ўзбекистон бўйича етакчига айланди
Миллий статистика қўмитаси Ўзбекистонда аҳоли сони бўйича рейтингни эълон қилди.
Ўзбекистоннинг энг кўп аҳолига эга ҳудуди аниқланди. Миллий статистика қўмитаси маълумотларига кўра, мамлакат бўйича Самарқанд вилояти аҳоли сони бўйича етакчилик қилмоқда. Ҳудудда 4,3 миллиондан ортиқ киши истиқомат қилади.
Фарғона вилояти 4,2 миллион аҳолиси билан иккинчи ўринни эгаллаган. Қашқадарё вилояти эса қарийб 3,7 миллион аҳолиси билан рейтингда учинчи ўринда қайд этилган.
Аҳоли сони бўйича илк бешликка, шунингдек:
Андижон вилояти — 3,5 млн аҳоли,
Тошкент шаҳри — 3,1 млн дан ортиқ аҳоли киради.
Шунингдек, Наманган ва Тошкент вилояти аҳолиси ҳар бирида 3,1 миллион нафардан сал камроқни ташкил этади.
Аҳолиси энг кам бўлган ҳудудлар сифатида Сирдарё вилояти (942 минг киши) ва Навоий вилояти (1,1 млн киши) қайд этилди.
Қорақалпоғистон Республикаси, шунингдек Бухоро ва Хоразм вилоятларида ҳар бирида қарийб 2 миллион нафардан аҳоли истиқомат қилади.
