Беш ташаббус паралимпиядаси ғолиблари тантанали тарзда тақдирланди

Ўзбекистонда ногиронлиги бўлган ёшларни спортга жалб қилиш, уларни жисмоний ва ижтимоий реабилитация йўналишида қўллаб-қувватлаш борасидаги ишлар изчил давом этмоқда. Шу мақсадда ташкил этилган “Беш ташаббус паралимпия” даси Республика босқичининг тақдирлаш маросими Тошкент шаҳрида бўлиб ўтди.

 

 

Мазкур мусобақа Президент Шавкат Мирзиёевнинг 2024 йил 8 ноябрдаги ПҚ-389-сон қарори асосида, ёшлар ўртасида оммавий спортни ривожлантириш ва ногиронлиги бўлган шахсларни спорт орқали реабилитация қилишни кучайтириш мақсадида ташкил этилган. Унда Ижтимоий ҳимоя миллий агентлиги тасарруфидаги ихтисослашган мактаб ва мактаб-интернатларининг 9–11-синф ўқувчиларидан иборат спортчилар иштирок этди.

 

 

Республика финалига мамлакатнинг турли ҳудудларидан сараланган 330 нафар ўқувчи етиб келиб, ғолиблик учун баҳс олиб борди. Улар ўзининг матонати, ирода кучи ва ғалабага бўлган иштиёқи билан йиғилганларга мотивация ва катта таассурот улашди.

 

Маросим якунида мусобақа совриндорлари фахрий ёрлиқ, кўкрак нишони ҳамда совринлар билан тақдирланди.

 

Натижаларга кўра:

 

• 1-ўрин — Бухоро вилояти жамоаси

 

• 2-ўрин — Тошкент шаҳри вакиллари

 

• 3-ўрин — Андижон вилояти спортчилари

 

дея эълон қилинди.

 

 

Тадбир ногиронлиги бўлган болаларнинг истеъдоди ва ғайратини қўллаб-қувватлаш, уларга янги марралар сари куч ва руҳ бағишлашга қаратилган муҳим саҳифалардан бири сифатида эсда қолди. Шу каби лойиҳалар ёшлар учун янада кенг имкониятлар очиб, уларни йирик спорт майдонларига чиқишига хизмат қилиши шубҳасиз.