Қўнғиротда банкдан қарздор фуқаронинг машинаси хатланди
Унинг Jetour русумли автомобили аукционда сотилиб, сотувдан тушган пуллар банкка ўтказилган.
Фуқаролик ишлари бўйича Қўнғирот туманлараро судининг 2025 йил 28 февраль кунги ижро ҳужжатига асосан қарздор К.Ш.дан “Бизнесни Ривошлантири Банки” АТБ фойдасига жами 282,5 млн сўм кредит қарзини ундириш, ундирувни кредитга олинган JETOUR DASHING русумли автомашинага қаратиш белгиланган.
Ушбу ижро ҳужжат Бюронинг Қорақалпоғистон Республикаси Алоҳида муҳим ижро ишларини ижро этиш бўлими иш юритувига келиб тушиб, бўлим ходимлари томонидан ижро ҳаракатларига киришилган.
Хусусан, бўлим давлат ижрочиси томонидан қарздорга ушбу ижро ҳужжати ижросини таъминлаш учун 15 кунлик ихтиёрий муддат берилиб, суд қарорининг ижросини таъминламаслик оқибатлари тушунтирилган.
Шунга қарамасдан, қарздор томонидан ижро ҳужжати талаби ихтиёрий равишда бажарилмаганлиги сабабли, кредитга олинган автомашина бўлим давлат ижрочиси томонидан тегишли тартибда хатловга олинган ва электрон онлайн-аукцион савдо майдончаси орқали сотувга чиқарилган.
Жорий йилнинг 29 сентябрь куни ўтказилган аукцион савдосида автомашина атиги 222 млн 138 минг сўмга сотилиб кетган бўлиб, сотувдан тушган пуллар банкка ўтказилган.
