Сўхга киришда узундан-узун навбатлар юзага келаётгани айтилмоқда
Zamon.uz' билан боғланганларга кўра, 100 минглаб аҳоли Сўхга киришга қийналмоқда.
Ижтимоий тармоқларда ўзбекистонликлар Сўх туманига киришда муаммолар юзага келаётгани ҳақида хабарлар тарқалди.
Қайд этилишича, 100 минглаб аҳоли Сўхга киришга қийналмоқда.
Zamon.uz мухбири вазият ҳақида маълумот олиш учун, блогер “Дима Қаюм” билан суҳбатлашди.
Унинг айтишича, бу ҳодиса 10 кундан буён давом этмоқда ва ҳали ҳам вазият шундай. Аҳоли 3-4 ёки 5 соатлаб вақт сарфламоқда. Шу сабадан одамлар сони кўпайиб кетган. Блогер ҳолат Ўзбекистондаги чегарада эмас, балки Қирғизистон ҳудудида содир бўлаётганини маълум қилди.
Zamon.uz мухбири ҳодисага ойдинлик киритиш учун Ўзбекистон Ташқи ишлар вазири матбуот котиби Аҳрор Бурҳонов билан боғланди. Бурҳоновга кўра, бу вазиятдан уларнинг хабари бор. Ўзбекистонлик дипломатлар ҳозир қирғизистонлик ҳамкасблари билан мана шу масалаларни ҳал қилмоқда.
Унинг маълум қилишича, тирбандлик у даражада катта эмас.
