Қашқадарёдаги автоҳалокатда 9 киши ҳалок бўлгани ҳақидаги хабарлар рад этилди
ИИВ автоҳалокатда фақат бир киши вафот этганини тасдиқлади.
Ижтимоий тармоқларда Қашқадарёнинг Ғузор туманида юз берган автоҳалокат оқибатида 9 киши ҳалок бўлгани айтилган хабарлар тарқалди. Ички ишлар вазирлиги мазкур маълумотни расмий равишда рад этди.
Маълум қилинишича, Сурхондарёдан Тошкентга йўл олаётган Собалт автомобили Ғузор тумани ҳудудида Нехиа-2 билан тўқнашган. Ҳодиса натижасида жами 6 нафар фуқаро шифохонага етказилган бўлиб, улардан бири олган тан жароҳатлари оқибатида вафот этган, қолган беморларга эса биринчи тиббий ёрдам кўрсатилган.
Мазкур йўл-транспорт ҳодисаси юзасидан Жиноят кодексининг 266-моддаси (Йўл ҳаракати қоидаларини бузиш одам ўлимига сабаб бўлиш) бўйича жиноят иши қўзғатилиб, тергов ҳаракатлари олиб борилмоқда.
