Бўстонлиқ туманида 20 МВт қувватли шамол электр станцияси қурилмоқда
Лойиҳа 2026 йилда ишга туширилади ва 20 мингдан ортиқ хонадонни электр билан таъминлашга хизмат қилади.
Бўстонлиқ туманида 20 МВт қувватга эга шамол электр станцияси қурилиш ишлари бошланган. Мазкур лойиҳа мамлакатнинг қайта тикланувчи энергия салоҳиятини ошириш ва энергия тежамкорлигини кучайтиришга қаратилган.
Станция 2026 йилда ишга туширилиши режалаштирилган. Тақдим этилган маълумотларга кўра, янги объект йилига ўртача 50 миллион кВт·соат электр энергияси ишлаб чиқаради. Бу эса 15 миллион куб метр табиий газни тежаш ва атмосферага чиқариладиган 22 минг тонна зарарли газларни камайтириш имконини беради.
Лойиҳа тўлиқ ишга тушгач, тахминан 20 минг хонадонни узлуксиз электр энергияси билан таъминлаш мумкин бўлади. Станция ҳудудда энергетик барқарорликни оширишга ҳам хизмат қилади.
