Қашқадарёда ота фарзандига алимент эвазига 6 сотихли ҳовли берди
Шу тариқа ижро ҳужжати тўлиқ бажарилиб, иш юритуви якунланди.
Мажбурий ижро бюроси Муборак туман бўлими томонидан амалга оширилган ижро ҳаракатлари давомида ота бурчи ва инсонпарварлик намунаси бўлган ҳолат кузатилди.
Фуқаролик ишлари бўйича Косон туманлараро судининг суд буйруғига асосан, қарздор фуқародан фарзандининг 18 ёшга тўлгунига қадар моддий таъминоти учун алимент ундирилиши белгиланган эди. Бироқ у белгиланган мажбуриятни ўз вақтида бажармаслиги натижасида қарздорлик миқдори 9 млн сўмга етди.
Давлат ижрочилари томонидан олиб борилган ижро ҳаракатлари натижасида қарздор ўз бурчини қонун доирасида амалга ошириш зарурлигини англаб етди.
Натижада, жорий йилнинг 11 ноябрь куни Н.Қўзибоев фарзандининг моддий таъминоти сифатида пул ўрнига ундирувчига 6 сотихли уй-жойни расман берди.
Шу тариқа ижро ҳужжати тўлиқ бажарилиб, иш юритуви якунланди.
