Россияда ўзбекистонлик йигит урушга боришга мажбурлангани айтилмоқда
У аэропортда ушлаб қолинган ва ўғирликда айбланиб ҳибсга олинган.
2002 йилда туғилган фарғоналик йигит жума куни Россиянинг Санкт-Петербург аэропортида авиапарвоздан ушлаб қолингани, у ерда курткасининг чўнтагига соат солиб қўйилгани ва ўғирликда айблаб қўлга олингани айтилмоқда. Бу ҳақида Facebook ижтимоий тармоғининг “Фарҳод Темиртирноқ” исмли фойдаланувчиси ёзмоқда.
Унинг маълум қилишича, дам олиш кунлари бўлгани учун тегишли ташкилотларга алоқага чиқиш имкони бўлмаган. Ҳозирда у Петербургдаги мигрантларни вақтинча сақлаш марказида ва унга адвокат ва таржимон ёрдамлари кўрсатилмаган. Душанба куни суд бўлиши аниқлиги ва аллақачон унга ё 5 йилгача қамоқ ёки Украинадаги урушда қатнашишга розилик сўралган.
Қўшимча қилинишича, Фарғона вилоятининг Ўзбекистон тумани Элаш ва Гўштқишлоқ қишлоқларига урушда ҳалок бўлган 4 нафар ватандошларимизнинг жасадлари олиб келинган.
