Хоразмда Марказий Осиёдаги энг йирик этанол заводи қурилади
Ўзбекистон ва Ҳиндистон компаниялари ўртасида имзоланган келишув замонавий этанол ва биоёқилғи ишлаб чиқаришни йўлга қўяди.
Хоразм вилоятида Марказий Осиёдаги энг йирик этанол ишлаб чиқарувчи завод барпо этилиши режалаштирилмоқда. Тегишли келишув Ўзбекистоннинг Allied Biofuels FE LLC ва Ҳиндистоннинг Praj Industries Ltd компаниялари ўртасида имзоланди. Лойиҳага кўра, Ҳиндистон компанияси заводга кунига 890 тонна этанол ишлаб чиқариш имконини берадиган замонавий қайта ишлаш технологиясини тақдим этади.
Завод томонидан ишлаб чиқарилган этанол эса Allied Biofuels FE LLC ёқилғи мажмуаси учун асосий хомашё сифатида қўлланилади. Шу орқали мамлакатда биоёқилғи ишлаб чиқариш салоҳияти сезиларли даражада ошади.
Шунингдек, йилига 160 минг тоннандан ортиқ авиация ёқилғиси (SAF) ва 5 минг тоннандан зиёда “яшил” дизел ишлаб чиқариш режалаштирилган. Лойиҳанинг амалга ошиши нафақат ички бозорни таъминлаш, балки экспорт салоҳиятини кенгайтиришга ҳам хизмат қилади.
