2022–2025 йилларда 338 нафар ўзбекистонлик хорижда ҳарбий ҳаракатларда қатнашган
Ўзбекистонликларнинг чет элдаги ҳарбий ҳаракатларда қатнашиш ҳолатлари ортмоқда.
Ўзбекистон Республикасида 2022 йилдан буён хориждаги ҳарбий ҳаракатларда қатнашган фуқаролар бўйича 338 та жиноят иши қўзғатилгани маълум қилинди. Бу ҳақда “Узоқдан изланган бахт” ҳужжатли фильми тақдимотида хабар берилди.
Маълумотларга кўра, жиноят ишлари асосан Жиноят кодексининг 154-моддаси («ёлланиш») бўйича қўзғатилган. Ушбу жиноятлар сони йил сайин ошиб бормоқда:
- 2022 йилда – 19 та жиноят иши
- 2023 йилда – 68 та
- 2024 йилда – 112 та
- 2025 йилда – 139 та
Мутахассислар хориждаги ҳарбий ҳаракатларда иштирок этиш ҳолатларининг ошиши ижтимоий ва ҳуқуқий хавфларга сабаб бўлиши мумкинлигини таъкидламоқда. Ўзбекистон Республикаси ҳуқуқни муҳофаза қилувчи органлари ушбу ҳолатларни назорат қилиш ва жиноятга йўл қўймаслик бўйича доимий чоралар кўрмоқда.
