Фарғонада эркак ўз аёли ва икки фарзандини ўлдирди
Қува туманида содир бўлган жиноят юзасидан тергов иши бошланган.
Фарғона вилояти Қува туманида 34 ёшли эркак ўз турмуш ўртоғи ва вояга етмаган икки фарзандининг ҳаётига суиқасд қилгани маълум бўлди. Бу ҳақда Бош прокуратура ахборот хизмати раҳбари Ҳаёт Шамсутдинов хабар берган. Воқеа 29 ноябрь куни содир бўлган.
Расмий маълумотларга кўра, 31 ёшли аёл ҳамда 5 ёшли қиз ва 1 ёшли ўғил отаси томонидан қасддан ўлдирилган. Эркак процессуал тартибда ушланиб, унга нисбатан жиноят иши қўзғатилган. Ҳозирда тергов ҳаракатлари олиб борилмоқда.
Сўнгги ойлар давомида оилавий низолар оқибатида содир бўлган оғир жиноятлар мамлакатнинг турли ҳудудларида қайд этилган. Самарқандда мерос бўлиш масаласи ортидан опасини ўлдирган ака-укалар 15 йилга қамалган, Наманганда эса эрини пичоқлаб ўлдирган аёлга 10 йил озодликдан маҳрум қилиш жазоси тайинланганди.
