Тошкентда тақиқланган видеоларни сақлаган 20 ёшли йигит 6 йилга озодликдан маҳрум этилди
Текширув давомида судланувчининг телефонидаги СМС ёзишмаларда тақиқланган мавзуларга оид суҳбатлар мавжудлиги аниқланган.
Тошкент шаҳрида телефонида қонун билан тақиқланган видео ва аудио материалларни сақлаганликда айбланган 20 ёшли йигит суд ҳукми билан 6 йилга озодликдан маҳрум қилинди. Бу ҳақда "Миллар" ахборот дастурида хабар берилди.
Суд жараёнида йигит ўзига қўйилган айбловларга норози эканини билдириб, суддан унга имконият беришни сўради. У таълим олиш ва жамиятга фойдали бўлиш ниятида эканини айтган бўлсада, айбларни тўлиқ тан олмади. Судда унга нима сабабдан тақиқланган материалларни сақлаганлик сўралганида, у жавоб беришни истамади.
Текширув давомида судланувчининг телефонидаги СМС ёзишмаларда тақиқланган мавзуларга оид суҳбатлар мавжудлиги аниқлангани маълум қилинди. Ушбу ҳолатлар иш материаллари сифатида судда кўриб чиқилган.
Якунда Якассарай туман суди йигитни Жиноят кодексининг 244-2-моддаси 1-қисми, 155-модданинг 1-қисми ва 244-1-модда 3-қисмининг "Г" банди бўйича айбли деб топиб, 6 йил муддатга озодликдан маҳрум қилиш жазоси тайинлади.
