Бугун Ўзбекистонда булутли ҳаво кузатилади

“Ўзгидромет” маълумотига кўра, 5 декабр куни Тошкентда ҳаво бироз булутли бўлиб, кечаси ва эрталаб бироз ёмғир ёғиши, туман тушиши мумкин. Кундузи ёғингарчилик бўлмайди. Ғарбдан 3–8 м/с тезликда шамол эсади. Кечаси 2–4° илиқ, кундузи 9–11° илиқ бўлади.

 

Қорақалпоғистон ва Хоразм вилоятларида ҳаво бироз булутли бўлади, ёғингарчилик бўлмайди. Айрим ҳудудларда туман тушиши мумкин. Шарқдан 7–12 м/с тезликда шамол эсади. Кечаси 2–7 даража совуқ, кундузи 3–8 даража илиқ бўлади.

 

Бухоро ва Навоий вилоятларида ҳаво бироз булутли бўлади, ёғингарчилик бўлмайди. Айрим ҳудудларда туман тушиши мумкин. Шарқдан 7–12 м/с тезликда шамол эсади. Ҳарорат кечаси 2° совуқдан 3° даражагача, кундузи 6° совуқдан 11° даражагача илиқ бўлади.

 

Тошкент, Самарқанд, Жиззах ва Сирдарё вилоятларида ҳаво бироз булутли бўлади, кечаси ва эрталаб бироз ёмғир ёғиб, туман тушиши мумкин. Кундузи ёғингарчилик бўлмайди. Ғарбий шамол 7–12 м/с тезликда эсади. Кечаси 0–5 даража илиқ, айрим жойларда 2 даражагача пасайиб, кундузи 6–11 даража илиқ бўлади.

 

Қашқадарё вилоятида ҳаво бироз булутли бўлади, ёғингарчилик бўлмайди. Айрим ҳудудларда туман тушиши мумкин. Ғарбдан 7–12 м/с тезликда эсади. Кечаси 0–5 даража илиқ, кундузи 8–13 даража илиқ бўлади.

 

Сурхондарё вилоятида ҳаво бироз булутли бўлади, айрим туманларда бироз ёмғир ёғиши мумкин. Айрим ҳудудларда туман тушиши мумкин. Ғарбий шамол 7–12 м/с тезликда эсади. Кечаси 0–5 даража илиқ, кундузи 8–13 даража илиқ бўлади.

 

Андижон, Наманган ва Фарғона вилоятларида ҳаво бироз булутли бўлиб, бироз ёмғир ёғиб, туман тушиши мумкин. Шамол шарқдан ғарбга ўтиб 5–10 м/с тезликда эсади. Ҳарорат кечаси 3 даража илиқдан 2 даражагача илиқ, кундузи 6 даража илиқдан 11 даражагача илиқ бўлади.

 

Республикаcнинг тоғли ҳудудларида ҳаво бироз булутли бўлиб, вақт-вақти билан ёғингарчилик (ёмғир ва қор) бўлиши мумкин, туман тушиши мумкин. Ғарбдан 7–12 м/с тезликда эсади. Кундузи ва кечаси ҳаво ҳарорати –2°дан –3°C гача бўлади.