“Ўзбекистон аҳолисининг йиллик электр энергия истеъмоли тўлиқ қопланади” — Президент

 

Президент Шавкат Мирзиёев 5 декабрь куни энергетика соҳасидаги объектлар ва йирик лойиҳаларни ишга тушириш маросимида нутқ сўзлади. Тадбирда қайта тикланувчи энергия қувватлари тез кенгаяётгани ва электр таъминоти янада ишончли бўлиши таъкидланди.

 

Давлат раҳбари қайд этганидек, янги лойиҳалар тўлиқ қувватга чиққач, Ўзбекистон аҳолисининг йиллик электр энергияси истеъмоли тўлиқ қопланади.

 

Маросим доирасида:

 

• 11 млрд долларлик 42 та янги қувват ва инфратузилма объектлари ишга туширилмоқда;
• 21 та қўшимча лойиҳа қурилишига старт берилади.

 

Ҳудудларда жами 3 500 МВ қувватга эга 16 та қуёш, шамол, иссиқлик ва гидро станциялар фойдаланишга топширилади. Улар йилига 15 млрд кВт/соат электр генерация қилиш имконини беради.

 

Келгуси йилда “яшил энергия” ишлаб чиқариш ҳажми 23 млрд кВт/соат га етказилади.

Шу билан бирга:

 

• табиий газ сарфи 7 млрд куб метрга қисқаради;
• атмосферага чиқадиган зарарли моддалар 11 млн тоннага камаяди;
• 1 245 МВ қувватли 10 та энергия сақлаш тизими ишга туширилмоқда;
• энг тиғиз даврларда қўшимча 1,5 млрд кВт/соат энергия тармоққа узатилади;
• 11 та йирик подстанция ва 420 км юқори кучланишли тармоқлар барқарор таъминотга хизмат қилади.

 

Президент энергетика модернизацияси икки асосий мақсадга қаратилганини алоҳида таъкидлади:

ҳудуд ва тармоқларни узлуксиз энергия билан таъминлаш;

буни экологик тоза ва муқобил манбалар ҳисобидан амалга ошириш.

 

Давлат раҳбари соҳада маҳаллий корхоналар роли кучаяётганини қайд этди:

 

“Йилига 15 мингта трансформатор ишлаб чиқарадиган Angren Energo ва 155 та гидроагрегат тайёрлайдиган ‘O‘zhydropower’ кичик бўлмаган истиқболга эга”, — деди Президент.

 

Шу билан бирга, Ўзбекистонга илғор технологиялар ва инвестициялар олиб кираётган хорижий ҳамкорларга миннатдорлик билдирилди.