Дунё бўйича энг кўп изланган сўров “Gemini” бўлди
2025-йилда Google’да энг кўп қидирилган сўровлар эълон қилинди.
Google 2025 йил “Year in Search” ҳисоботини тақдим этди. Унда жаҳон бўйича энг кўп қидирилган калит сўз, шунингдек, энг кўп изланган шахслар ва муҳим воқеалар рўйхатлари эълон қилинди.
“Энг кўп ўсиш кўрсатган (trending)” қидирувлар рейтингида биринчи ўринни Gemini олган — бу Google’нинг сунъий интеллект чат-бот хизмати ҳисобланади.
Кейинги ўринларда “India vs England” ва Charlie Kirk исмлари жойлашган.
Шунингдек, жаҳон миқёсида технология, спорт, сиёсат ва поп-маданиятга оид бир қатор бошқа сўровлар ҳам юқори талабга эга бўлган: “Club World Cup”, “India vs Australia”, DeepSeek, “Asia Cup”, “iPhone 17” ва “Pakistan vs India” каби.
Google маълумотларига кўра, 2025-йилда изланишларда сунъий интеллект воситалари, спорт тадбирлари, халқаро воқеалар ва машҳурлар ҳаёти жамиятнинг диққат марказида бўлган.
