Қашқадарёда блоггерлар йўл-патруль ходимини масхара қилгани учун қамалди
Ҳодиса машинада сохта суҳбат уюштириш ва провокацион ҳаракатлар билан боғлиқ бўлган.
Шаҳрисабз суди йўл-патруль хизмати ходимини видеога олиб, уни ижтимоий тармоқларда тарқатиб, ҳуқуқ-тартибот ходими шаънини камситган икки нафар фуқарони маъмурий қамоққа олишга ҳукм қилди. Бу ҳақда Қашқадарё судлари матбуот хизмати хабар берди.
37 ва 26 ёшли эркаклар автомашинани ҳайдаб кетаётиб, инспекторни алдаб, чипта расмийлаштирмоқчи бўлиш учун телефон орқали сохта суҳбат уюштирган. Аслида эса ҳайдовчи ўз смартфон ғилофида “гаплашиб” юрган. Суҳбат давомида ҳайдовчи провокацион ҳаракатлар қилган ва бутун эпизод суратга олинган ҳамда “Қўпол қоидабузарлик бўлдими?” деган савол билан интернетга жойлаштирилган.
Терговчиларга кўра, блоггерларнинг мақсади инспекторни камситувчи тарзда кўрсатиш бўлган. Видеони суратга олиб, тарқатган ҳайдовчи ва йўловчиси Маъмурий жавобгарлик тўғрисидаги кодекснинг 195-2-моддаси — ҳуқуқни муҳофаза қилувчи органлар ходимларини камситувчи фото ва видеоматериалларни тарқатиш билан айбланган.
Суд ҳукми билан ҳуқуқбузарлардан бири ўн суткага, иккинчисига эса етти суткага маъмурий қамоқ жазоси тайинланди.
Ҳар икки томон апелляция ёки кассация судлари орқали қарорга шикоят қилиш ҳуқуқига эга.
