Хоразмда МИБ орқали келиннинг сепи қайтариб олинди
Ижро ҳаракати давомида 48 турдаги буюм эгасига қайтарилган.
Фуқаролик ишлари бўйича Хоразм вилоятининг Шовот туманлараро судининг ижро варақасига асосан даъвогар М.Ш.га жавобгар Р.Х.дан мол-мулкларни олиб бериш белгиланган.
Ажрашган фуқаронинг мурожаати асосида Бюронинг Қўшкўпир тумани бўлими томонидан белгиланган тартибда ижро ҳаракатлари амалга оширилган.
Ўрганишлар давомида никоҳ даврида келин томонидан олиб келинган сеп буюмлари аниқланиб, қонуний асосда рўйхат шакллантирилган. Ушбу рўйхатга мувофиқ, 48 турдаги буюм — маиший анжомлар, ошхона жиҳозлари, ётоқ анжомлари, шахсий фойдаланиш буюмлари ҳамда болага тегишли жиҳозлар эгасига қайтарилди.
Ижро жараёни амалдаги қонунчилик талабларига тўлиқ риоя этилган ҳолда ўтказилди. Шу тариқа, фуқаронинг мулкий ҳуқуқлари таъминланди.
