Зангиотада эркак 125 млн алимент тўлади

Фуқаролик ишлари бўйича Зангиота туманлараро судининг 2024 йил 28 августдаги қарори билан қарздор б.М.дан ундирувчи Г.М. фойдасига бир нафар фарзандининг моддий таъминотини таъминлаш мақсадида ҳар ойда оладиган даромадининг ярми миқдорида алимент ундириш белгиланган.

 

Ушбу ижро ҳужжати Мажбурий ижро бюроси Зангиота туман бўлими иш юритувига келиб тушган бўлиб, бўлим давлат ижрочилари томонидан ижро ҳаракатларига олиб борилган.

 

Ижро ҳаракатлари давомида қарздор фуқаро қарздорликни ихтиёрий равишда бартараф этмаганлиги сабабли Қонуннинг 42(1) моддасига асосан унинг Республикамиз ҳудудидан четга чиқиш ҳуқуқлари вақтинча чекланган.

 

Қарздорнинг яқин қариндошлари унга чет давлатда юқори даромадли иш таклиф қилганлиги сабабли унда четга чиқишга эҳтиёж пайдо бўлган.

 

Шу сабабли, қарздор ота жорий йилнинг февралида Бюронинг Зангиота туман бўлимига келиб, ундирувчи билан келишган холда қарздорлигини ихтиёрий равишда тўлади ва алимент маблағлари ундирувчига ундирилиб берилди.

 

Шундан сўнг, ижро ҳужжати ундирувчининг аризасига асосан Қонуннинг 40(1)-моддасига асосан тамомланди.