Жиззахда алимент тўламаган ота машинасидан айрилди
Маълумотларга кўра, унинг алиментдан қарзи 20 миллион сўмга етган.
Айрим ота-оналар фарзанд таъминоти масъулиятни унутиб, автомашина миниб юришдан кўра фарзандларининг таъминотини таъминлаш муҳимроқ эканлигини англаб етмайдилар.
Фуқаролик ишлари бўйича суднинг қарорига кўра, қарздор А.А.дан ундирувчи С.Ч. фойдасига икки нафар вояга етмаган фарзанди таъминоти учун алимент ундириш белгиланган. Мазкур ижро ҳужжати Мажбурий ижро бюроси Зомин тумани бўлими иш юритувига келиб тушган.
Ижро ҳаракатлари давомида А.А.нинг алиментдан қарзи 20 миллион сўмга етганлиги аниқланди. Тегишли ташкилотларга юборилган сўровномалардан сўнг, қарздорга тегишли Матиз русумли автомашинаси борлиги маълум бўлди. Қарздор ушбу машинада йўловчи ташиш фаолияти билан шуғилланиб, алимент қарздорлигини тўлаб боришини айтган, бироқ алиментни тўламаган.
Ижро ҳаракатлари давомида қарздорга тегишли Матиз русумли машина жарима майдончасига жойлаштирилди.
Агар қарздор алимент қарзини ўз вақтида тўламаса, машина аукцион савдосида сотилади.
