Жиззахда банкдан қарздор машиналар хатланмоқда
МИБ ходимлари тўланмаган қарздорликни автомобилларга қаратмоқда.
Мажбурий ижро бюроси Жиззах вилояти бошқармаси ҳудудий бўлимларига суд қарорлари асосида банклар фойдасига кредит қарздорликларини ундириш бўйича ижро ҳужжатлари келиб тушди.
Ундирув гаров сифатида расмийлаштирилган “Spark” ва “Tracker 2” русумли автомобилларга қаратилди.
Ижро ҳаракатлари давомида айрим қарздорлар қарзни ихтиёрий тўлашдан бош тортиб, автомобилларини яширишга уринган.
Бироқ мажбурий ижро тадбирлари натижасида ушбу транспорт воситалари аниқланиб, жарима майдончасига жойлаштирилди.
Эндиликда автомобиллар электрон онлайн савдога чиқарилади. Савдодан тушган маблағ ҳисобидан қарздорлик қопланади.
