Хорижий тилда таълим олган талабалар учун магистратурада тил сертификати талаб қилинмайди

Ўзбекистонда магистратура ва докторантурага қабул тизимида муҳим ўзгариш жорий этилмоқда.Мазкур тартиб 2026 йил 10 апрелда қабул қилинган олий таълимни такомиллаштиришга оид президент фармонида белгиланди.

 

Маълум қилинишича, эндиликда таълим дастурини хорижий тилда тамомлаган талабалар учун тил сертификати талаби бекор қилинади. 

 

Хорижий тиллар йўналишида C1 даража, аниқ фанлар, журналистика, ҳуқуқ, ахборот-коммуникация технологиялари ҳамда иқтисодиёт йўналишларида B даражадаги сертификат талаби амал қилади.

 

Фармонга кўра, 2027 йил 1 январдан бошлаб олий таълим муассасалари миллий рейтинг натижаларига қараб молиявий рағбатлантирилади. Баҳолаш мезонлари сифатида академик ва илмий фаолият, халқаро ҳамкорлик, рақамлаштириш даражаси ҳамда битирувчиларнинг бандлик кўрсаткичлари олинади.  Рейтинг тизимини юритиш тартиби Таълим сифатини таъминлаш миллий агентлиги томонидан белгиланади.

 

Шунингдек, Инновацион ривожланиш агентлиги томонидан ўтказиладиган танлов асосида 10 та олий таълим муассасасига миллий тадқиқот университети мақоми берилиши режалаштирилган.

 

Фармонга мувофиқ, давлат олийгоҳларида тўлдирилмай қолган грант ўринлари ҳисобидан ҳар йили 500 нафаргача иқтидорли хорижлик талабалар учун “Янги Ўзбекистон стипендияси” дастури жорий этилади.

 

Бундан ташқари, 2026/2027-ўқув йилидан бошлаб хорижий талабаларни ўқишга қабул қилиш “Студй in Uzbekistan” платформаси орқали амалга оширилади. Қабул шартлари ва тартиби эса олий таълим муассасалари томонидан мустақил белгиланади.