Сурхондарёда “Медиа ҳафталик” бошланди
Тадбир иштирокчилари реал кейслар, амалий тренинглар ва жонли муҳокамалар орқали замонавий медиа жараёнлари билан яқиндан танишиш имкониятига эга бўлади.
Сурхондарё вилоятида медиа соҳасининг долзарб масалалари, амалий тажриба ва замонавий ёндашувларни қамраб олган Медиа ҳафталик ўз ишини бошлади.
Тадбир доирасида ўзбек журналистикасида танилган устозлар, фаол ОАВ вакиллари, ижтимоий фаоллар, блогерлар ҳамда медиа соҳасига қизиқаётган ёшлар бир майдонга жам бўлмоқда.
Маълум қилинишича, Медиа ҳафталик машғулотлари анъанавий маърузалардан фарқли равишда интерактив форматда ташкил этилган. Унда иштирокчилар реал кейслар, амалий тренинглар ва жонли муҳокамалар орқали замонавий медиа жараёнлари билан яқиндан танишиш имкониятига эга бўлади.
Тадбир Сурхондарё вилоятидаги “Термиз халқаро савдо маркази” эркин савдо зонаси ҳудудида ўтказилмоқда.
Ҳафталик давомида иштирокчилар нафақат назарий билимларни, балки амалий кўникмаларни ҳам эгаллашлари мумкин.
Медиа ҳафталик 17 апрелга қадар давом этади.
