Афғонистондаги зилзила кучи Ўзбекистонда ҳам сезилди
Ўзбекистоннинг бир қатор ҳудудларида 2-3 баллгача ер силкинишлари қайд этилди.
2026 йил 18 апрель куни соат 07:54 да Афғонистон ҳудудида зилзила қайд этилди. Бу ҳақда Сейсмопрогностик мониторинг республика маркази хабар берди.
Маълум қилинишича, зилзила эпицентри Бадахшон ҳудудида жойлашган бўлиб, унинг магнитудаси 5,5 ни ташкил этган. Ер силкиниш ўчоғи 150 километр чуқурликда юзага келган. Эпицентр Тошкент шаҳридан 537 километр жанубий-шарқда жойлашган.
Зилзила кучи Ўзбекистоннинг қатор ҳудудларида ҳам сезилган. Хусусан, Сурхондарё вилоятида 2-3 балл, Фарғона, Жиззах, Самарқанд, Сирдарё, Қашқадарё, Андижон, Наманган ва Тошкент вилоятларида, шунингдек, Тошкент шаҳрида 2 баллик ер силкинишлари қайд этилган.
