Наманганда Медиа ҳафталик якунланди
Ҳафталик давомида сунъий интеллект, фактчекинг ва замонавий коммуникациялар мавзуларида муҳокамалар ўтказилди.
Наманган шаҳрида ташкил этилган медиа ҳафталиги ўз якунига етди. Тадбир доирасида медиа соҳасининг турли йўналишларига бағишланган учрашув ва муҳокамалар ўтказилди.
Ҳафталик давомида иштирокчилар стратегик коммуникациялар, сунъий интеллект имкониятлари, фактчекинг, визуал сторйтеллинг ҳамда замонавий медиа тенденцияларига оид мавзуларда фикр алмашди.
Ташкилотчиларга кўра, тадбир Наманганнинг нафақат гуллар шаҳри, балки креатив ғоялар ва замонавий коммуникациялар маркази сифатидаги салоҳиятини ҳам намоён қилди.
Медиа форумнинг навбатдаги босқичи 1–5 июнь кунлари Андижонда ўтказилади.
