Mycoal.uz'дан кўмир харид қилган эҳтиёжманд оилаларга 600 минг сўмгача ёрдам ажратилади

Ижтимоий ҳимояга муҳтож оилаларни қўллаб-қувватлаш мақсадида Мйcоал.уз портали орқали кўмир харид қилган “Ижтимоий реестр”га киритилган оилаларга жорий йилнинг июнь–декабрь ойларида 600 минг сўмгача бир марталик моддий ёрдам ажратилиши маълум қилинди.

 

Импорт қилинадиган кўмир сифати ва экологик хавфсизлиги бўйича янги талаблар жорий этилиши режалаштирилмоқда. Унга кўра, республика ҳудудига олиб кириладиган кўмирнинг олтингугурт миқдори, калорияси ва бошқа кўрсаткичларига талаблар ишлаб чиқилади. Белгиланган стандартларга жавоб бермайдиган импорт кўмирдан фойдаланиш ва уни сотиш тақиқланади. Келгусида кўмир импорти фақат темир йўл орқали амалга оширилиши кўзда тутилган.

 

Тақдимотда Нишбош кўмир конини ўзлаштириш лойиҳаси ҳақида ҳам ахборот берилди. Лойиҳанинг умумий захираси 233 миллион тонна бўлиб, йиллик қазиб чиқариш қуввати 10 миллион тоннани ташкил этади. Қиймати 494 миллион долларлик лойиҳа доирасида 880 та янги иш ўрни яратилиши режалаштирилган.

 

Бундан ташқари, ушбу конь негизида умумий қуввати 1,4 гигаватт бўлган янги иссиқлик электр станциясини қуриш таклиф қилинди. Лойиҳага кўра, 1,3 миллиард доллар инвестиция жалб этилиб, ҳар бири 350 мегаватт қувватга эга 4 та энергоблок ултра юқори критик технологиялар асосида бунёд этилади.

 

Қурилиш даврида 1,5 мингта, лойиҳа тўлиқ ишга тушгач эса 310 та янги иш ўрни яратилиши кутилмоқда. Станция йилига ўртача 9,8 миллиард киловатт-соат электр энергияси ишлаб чиқариши ва 2 миллиард куб метр табиий газни тежаш имконини бериши қайд этилди.

 

Шунингдек, тақдимотда тоғ-конь саноатида маҳаллийлаштириш ва саноат кооперациясини ривожлантириш масалалари ҳам муҳокама қилинди. Таҳлилларга кўра, ушбу йўналишда импорт ўрнини босиш салоҳиятини 2,1 миллиард долларгача етказиш имконияти мавжуд. Бу техника, эҳтиёт қисмлар, кимёвий реагентлар ва йирик агрегатлар ишлаб чиқаришни маҳаллийлаштириш ҳисобига амалга оширилиши мумкинлиги билдирилди.

 

Шу муносабат билан 2027–2030 йилларга мўлжалланган тоғ-конь саноатида маҳаллийлаштириш стратегиясини ишлаб чиқиш топширилди. Якунда давлат раҳбари билдирилган таклифларни маъқуллаб, мутасаддиларга тегишли топшириқлар берди.